गोंदिया (देवरी) : इ.एम.आर.एस. बोरगाव बाजार येथे दहावीच्या विद्यार्थ्यांसाठी बोर्ड परीक्षेची पूर्वतयारी व आत्मविश्वासाने परीक्षेत सामोरे कसे जाता येईल यासाठी नेस्ट नवी दिल्ली व महाराष्ट्र ट्रायबल पब्लिक स्कूल सोसायटी नाशिक मार्फत इयत्ता दहावीच्या विद्यार्थ्यांकरिता 3 दिवस अभ्यास शिबिराचे आयोजन रविवार पासून करण्यात आले होते.
या अभ्यास शिबिरात (EMRS) अहेरी जिल्हा गडचिरोली, (EMRS) देवाडा, जिल्हा चंद्रपूर आणि (EMRS) बोरगाव बाजार जिल्हा गोंदिया या शाळेतील इयता दहावीचे एकूण १४१ विद्यार्थी व विद्यार्थिनी उपस्थित होते. शिविराच्या पहिल्या दिवशी उद्घाटन प्रसंगी शासकीय माध्यमिक व उच्च माध्यमिक कन्या आश्रम शाळा बोरगाव बाजारचे मुख्याध्यापक श्री. खेडकर, नवोदय विद्यालय डोंगरगड जिल्हा राजनांदगाव(छ.ग.)चे गणितचे(टीजीटी) स्नेह अग्रवाल आणि, इंग्रजीचे( पीजीटी) कल्पना पॉल यांच्यासह बोरगाव बाजारचे एकलव्य शाळेचे प्राचार्य गणेश कुमार तोडकर तसेच सर्व कर्मचारी उपस्थित होते.
प्रथम दिवशी इंग्रजी व गणित विषयाचे मार्गदर्शन तासिका झाले तर दुसऱ्या दिवशी नवोदय विद्यालय नवेगाव बांध चे भुगोल चे (पीजीटी) जागेश्वर चौरे यांनी समाजशास्त्र विषयाचे मार्गदर्शन केले. शिबिराच्या तिसऱ्या दिवशी केंद्रिय विद्यालय डोंगरगड जिल्हा राजनांदगाव(छ.ग.) चे रसायनचे (पिजीटी) वसीम खान यांनी विज्ञान विषयाचे मार्गदर्शन केले तर एम.बी. पटेल कॉलेज देवरीचे प्राध्यापक डॉ. रोशन नासरे यांनी विद्यार्थ्यांना करिअर विषयी मार्गदर्शन केले.
तिन दिवसाचे अभ्यास शिबिराच्या समारोप प्रसंगी मंगळवारी सायंकाळी ७.३० वाजता देवरीचे उपजिल्हाधिकारी तथा उपविभागीय दंडाधिकारी कविता गायकवाड यांनी विद्यार्थ्यांना प्रोत्साहन पर माहिती दिली, आपले जिवाणू भाऊ विद्यार्थ्यांसमोर मांडून विद्यार्थ्यांमध्ये आत्मविश्वास वाढविण्यास मदत केली त्यांच्या भाषणातून “आत्मविश्वासासारखी दुसरी देवी शक्ती नाही” हे सुवचन प्राप्त झाले.
सदर कार्यक्रमाच्या निरोप प्रसंगी शालेय व्यवस्थापन समितीचे अध्यक्ष संजय उमाशंकर जाळे, बोरगाव बाजार येथील शासकीय कन्या आश्रम शाळेचे मुख्याध्यापक खेडकर व एकलव्य शाळेचे प्राचार्य गणेश कुमार तोडकर तसेच सर्व कर्मचारी उपस्थित होते. शिबिराचे शेवट तसेच मान्यवरांचे आभार इंग्रजीचे( पीजीटी) विजयकुमार मोरे यांनी मानले.
