देवरी : देवरी नगरपंचायतीला कोणी मुख्याधिकारी देता का? असे म्हणण्याची वेळ पदाधिकारी व नगरसेवकांवर आली आहे. नगरसेक व माजी नगरपंचायत उपाध्यक्ष आफताब शेख यांनी कार्यालयीन पत्र व्यवहार करुन कायमस्वरूपी मुख्याधिकारी देण्याची मागणी केली आहे. एवढेच नव्हे तर मुख्याधिकारी अभावी शहराचा विकास खुंटला असुन नगरपंचायच्या पदाधिकारी व नगरसेवकावर बेमुदत आंदोलन करतील की काय? असा ही समज देवरी शहरातील नागरीकांत झाला आहे. माझी वसुंधरा अभियानात नाव लवकीक आलेल्या देवरी नगरपंचायतीत अनेक महिन्यांपासून मुख्याधिकार्‍यांसह अनेक पदे रिक्त आहेत. त्यामुळे नगरपंचायतीच्या कामकाजावर विपरित परिणाम झाले आहेत.
देवरी नगरपंचायतीत मुख्याधिकारी, शहर अभियंता, पाणीपुरवठा अभियंता, लेखापाल, लेखापरीक्षक, गट क, श्रेणी ब, नगररचना सहायक अभियंता, कर निरीक्षक, सहायक करनिरीक्षक असी अनेक पदे प्रभारी प्रतिनियुक्तीवर आहेत. वरील सर्व पदावरील अधिकारी यांची देवरी नगरपंचायतमध्ये कायमस्वरूपी नियुक्ती होणे गरजेचे असल्याचे मत आफताब शेख यांनी मांडले आहे.
नगरपंचायतीत प्रतिनियुक्तीवरील नियुक्त आणि अनेक पदे रिक्त असल्यामुळे देवरी शहरातील नागरिकांची कामे प्रलंबित आहेत. कामाचा आराखडा वेळेवर न होणे, बिले अदा न होणे, पंतप्रधान आवास योजना, रमाई आवास योजना, वैयक्तिक शौचालय प्रकरणे, बांधकाम परवाने, नवीन जागेच्या नोंदी ,पाणीयोजना, विद्युत विभाग व नगरसेवकांच्या प्रभागातील कामे खोळंबली आहेत. यासंदर्भात नगरविकास विभाग व जिल्हाधिकारी कार्यालयास अगोदर बर्‍याचदा पत्रव्यवहार करूनही कायमस्वरूपी अधिकार्‍यांच्या नियुक्त्या झाल्या नाहीत. हीपदे रिक्त राहिली. त्यामुळे सर्व पदाधिकारी वेळेनुसार जिल्हाधिकारी कार्यालयासमोर उपोषणास बसतीलकी काय? यावर नगरपंचायतचे पदाधीकारी व नगरेशेवक यांच्यात कुजबुज शुरू असुन शहरातील नागरीकात चर्चा आहे.
